Ус хаанаас урсана тэнд
Ундарга байсан байж таарна

Үер хаана бууна тэнд
Үүл хурсан байж таарна

Амжилт хаана дэлгэрнэ тэнд
Алдаж эндсэн байж таарна

Амьдрал хаана цэцэглэнэ тэнд
Агуу ухаан оршсон байж таарах уу?

Зүүдний мэдрэмжээс салж
Зүрхний мэдрэмждээ хөглөгд

Үүлний мэдрэмжээс салж
Үнэний мэдрэмждээ хөглөгд

Хөвөх хэдий сайхан ч
Хөрсөнд буух нь гайхам

Сэлэх хэдий гайхам ч
Сэрүүнд байх нь даарам

Тархиа тахиж
Зүрхээ Зүү
Өөр юу ч танд үл зохино

Бид хичээнэ...

Замын холд ядрахгүй
Заяаны холд шантрахгүй
Үйлийн ихээс буцахгүй
Үнэний чигээс няцахгүй 

Хар бурууг ялласан 
Хазгай бурууг хадарсан
Харалган нэгнийг хандуулсан
Хавирга сүвээгээ хамгаалсан ,

Хатан зоригт үрсийн
Хамаг цаг ирлээ.

Зүдгүүр бүхнийг туулсан
Зөрүү бүхнийг туйлсан

Заль хорыг тэнссэн
Заяа үйл нь тэнцсэн
Зам бүрээ тандсан
Засаг жамыг таньсан

Зол сайт бүхний
Зорьсон цаг ирлээ

Эх оронч танд

Тэнгэр танд тэмцэх цөс хайрлажээ
Тэнгис танд харших мөс хайрлажээ

Тэвчээр ухаан зориг
Тэнхээ хүсэл хяслыг,
Уулсын бараан нөмөр
Улсаа засах ухааныг,

Золь болох зориг
Зовлого болох цогцсыг

Эх орон чинь танд
Элэг зүрхнээсээ эмтэлж
Эгэм яснаасаа дундлан байж

Харам үгүй хайрлаж дээ.

Хийрхлийн хөөсөн далайгаас ангижирч

Хэнээрхлийн өнгөн давалгаанаас мултарч

Дотоод үнэнээрээ гаднаа гоёх

Догшин цагийн зүү наашаа

Бид БҮГД МОНГОЛ

Үүцээ ухаж
Үнэнээ хэлье ээ Би монгол

Хүслээ хэлж
Хүрэхээ амлая аа Би монгол

Бодлоо нэрж
Бошгийг тайлая би Монгол

Борхон зүрхний үнэнээ хайлая би Монголоо...

Амрыг эрж
Алсыг дуудая бид Монголоо

Арван Зүгийн хишгийг даллая бид Монголдоо

Зуун зууны түүхийг сэрээе бид монголоо
Зураг төөрөг заяа нийлмэл бид монголоо ...

Оргих булаг оршил нэгтэй бид Монголоо
Ураг удам ухаан нийлмэл бид монголоо

Уулс хайрхад Шүтээн нэг ээ, бид Монгол
Унаган төрх Үзэмж төгс Бид Монголоо ........

Ухаан сэргэг Заяа дэлгэр бид Монголоо
Удмын алтан хэлхээ нь ариун Бид Монголоо

Үе үеийн түүхийн үргэлжлэл бид Монголоо
Үнэний ариун мөрийн залгамж бид Монголоо...

Ариун нэр бүрэн төгс бид Монголоо
Алтан ургийн цагаан шүүдэр бид Монголоо

Их Монголын хүсэл нь дээд нэг Монгол оо
Иргүн Монголын үүсэл дээр нэгэн Мөнх гал аа....

Цагаан ястны тасархай
Цаглашгүй түүхийн хэлтэрхий бид бүгд Монгол

Алтан амьны үргэлжлэл
Ариун цусны үсэрхий Бид бүхэл Монгол оо

Будсын хорлол байвч түр зуураас хэтрэхгүй

Өөрийн ухамсар дорой Ухаан Мунхаг байдлаас үүссэн хорлол харин Мөнхөд үргэлжилнэ